BUTUAN CITY – Plano sa House Committee on Good Government and Public Accountability nga pasakaan og kasong plunder si Vice President Sara Duterte tungod sa wala gipasabot nga paggasto sa P112.5 milyon nga confidential funds.
Sigon ni House Senior Deputy Speaker Aurelio “Dong” Gonzales Jr., kini ang gikonsidera sa panel kung pakyas pa gihapon si Duterte pagpasabot kung asa napadulong ang P112.5 milyon nga confidential funds nga na-cash advance niadtong siya pa ang kalihim sa Department of Education kon DepEd alang sa tuig 2023.
Gipamugos pa sa Pampanga 3rd District Representative nga importante ang pagbaton og transparency sa paggamit sa pundo sa gobyerno. Sa mga mi-aging pagdungog, gikwestiyon sa magbabalaud kung nganong napagawas ang pundo gamit ang tulo ka managlahing tseke nga nagkantidad og P37.5 milyon matag-usa kansa gihimo sa unang tulo k a quarters sa tuig 2023.
