Butuan City – Gipatulan ni Vice President Sara Duterte ang hagit kaniya sa mga kongresista nga magpa-neuropsychiatric test human niini giluwat ang mga pulong nga kubkubon niini ang patayng lawas ni kani Pangulong Ferdinand Marcos Sr., ug ilabog kini sa West Philippine Sea kung dili pa siya undangan sa mga Marcoses ilabi na sa pag duot kaniya ingon man sa pagpamulitika.
Sumala sa Bise Presidnete nga gawas sa neuropsychiatric test, mopailawom usab siya og drug test, apan sigon niini nga tungod kay unstable man usab sa iyahang panan-aw ang mga kongresista, iya usab kining gihagit nga mopailawom usab sila og drug test.
Gipanawagan usab sa Bise Presidente ang Philippine Medical Association ug Philippine Psychiatric Society nga mag set og guidelines para sa ilang tanan sa labimg daling panahon.
Sumala niini nga dili matud pa mamahimong himoon ang drug test tulo ka bulan pa gikan karon tungod kay maka-ikyas lamang ang mga niini ug ma-clear lang sa test kung tuyoon lang gyud nga mo-undang og gamit og druga.
Gikataho usab sa bise Presidente nga kinahanglang televised ang maong test arun dili kini maareglo o matago gikan sa publiko. Dugang sa Bise Presidente nga kinahanglan usab matud pa og 3rd party hair follicle testing rason nga nanawagan kini sa Philippine Medical Association nga mahinayon ang maong drug testing nilang tanan.
Gipanawagan usab sa bise Presidente sa mga botante nga dasigon ang mga managan karong election nga magpa drug test.
Sumala sa Bise Presidente nga wala siyay problema, apan gipamugos matud pa sa administrasyon nga mopanig siya sa oposisyon pinaagi sa mga pambatikos kaniya. Sigon pa niini nga ang problema lamang matud pa sa mga nambatikos niya karon kay dili siya madala og areglo ingon man dili usab siya madala og kwarta.
Ang pamahayag ni Bise Presidente Sara Duterte.
