BUTUAN CITY – Gipasalamatan ni Vice President Sara Duterte ang tanang padayong nag-ampo alang sa iyang amahang si kanhi Pangulong Rodrigo Duterte.
Gihimo niya ang pagpasalamat sa duha ka adlaw niyang “Visita Iglesia” pilgrimage sa Calbayog ug sa Catbalugan City, Samar.
Gibutyag ni VP Sara ngadto sa nakahugoy-hugoy niini nga mga tawo nga dakong kalipay sa kanhi pangulo ang ilang padayong pag-ampo aron makabalik na kini sa nasud.
Apil usab sa iyang gipasalamatan ang pakigduyog sa mga Samarnons sa ubang mga Filipino aron sa-ulugon ang adlaw’ng natawhan sa iyang amahan niadtong Marso 28.
Gani sa iyang pagbisita sa mga simbahan, gibutyag usab niini nga kanunay niyang gi-ampo ang atong nasud ingon man ang iyang amahan apan wala na kini maghatag pa og bisan unsa mang update sa kaso sa iyang amahan nga anaa sa kustodiya sa International Criminal Court tungod sa kasong crime against humanity.
