BUTUAN CITY – Mibisita si Besi Presidente Sara Duterte dinhi sa siyudad sa Butuan kagahapon samtang wala mitunga sa pagdungog sa House Committee on Good Government and Public Accountability. Pasado alas 12:00 sa udto dihang midangat ang Besi Presidente sa Butuan aron pangunahan ang 89th founding anniversary sa Office of the Vice President kon OVP ug ang awarding sa Mag Negosyo Ta ‘Day beneficiaries sa OVP-Caraga Satellite Office.
Sa maong aktibidad muabot sa 3-mil ka mga benipisyaryo gikan sa sektor sa Solo Parents, Tricycle Drivers, persons with disabilities kon PWDs ug mga Senior Citizens gikan sa nagkada-iyang lugar sa Caraga Region ug kasikbit nga rehiyon ang nakadawat og gift packs.
Nanguna usab si VP Sara paghatag sa 507 ka mga PagbaBAGo Bags sa 57 ka mga magtutungha sa Cervantina Elementary School ubos sa PagbaBAGo: A Million Learners Campaign.
Gawas niini, gipahigayon usab ang turn-over sa OVP Caraga Satellite Office sa Mag Negosyo Ta’ Day livelihood grant nga nikantidad sa P150,000 para sa Tigao Farmers Development Cooperative alang sa ilang panginabuhian.
Sa press briefing, gikumpirma ni VP Sara nga case to case basis, ang pagtambong nila sa pagdungog sa kamara diin ang iyang mga personahe, wala pug-ngi sa pagtambong basta pahibal-on lang sila aron masayran kung unsa man ang ilang ikatabang.
