BUTUAN CITY – Kumpiyansa si Vice President Sara Duterte nga madaog niini ang iyang impeachment case sa Senado nga gikatakdang sugdan sa Hulyo ning tuiga. Gipadayag niini nga nakigtagbo gilayon siya sa iyang mga abogado pag-abot sa nasud gikan sa The Hague, Netherlands.
Kahinumduman nga halos usa ka buwan nga nagpabilin sa The Hague ang bise presidente aron motabang pagtukod og defense team sa iyang amahan nga si kanhi Presidente Rodrigo Roa Duterte.
Sumala ni Vice President Sara, masaligon usab ang iyang legal team nga dako ang kahigayonan nga makadaog sila sa kaso.
Bisan pa niini, nagdumili ang bise presidente pagpaambit sa ilang pagpangandam sa gikatakdang impeachment trial sa Hulyo. Kaniadto na impeach si VP Sara sa Kamara.
Samtang, lakip sa gibasihan sa impeachment mao ang giingong sayop nga paggamit sa pundo sa gobyerno ug uban pang kalapasan.
