BUTUAN CITY – Gibutyag ni Vice President Sara Duterte nga posibleng duna pa’y ubang membro sa Partido Demokratiko Pilipino kon PDP nga mu-apil sa planong senatorial slate sa iyang amahang si kanhi Pangulong Rodrigo Duterte ug duha niya ka mga igsoong sila Congressman Paolo ug Davao City Mayor Sebastian alang sa midterm, election sunod tuig.
Bisan pa man, waa gibutyag ni VP Sara ang pangalan sa mga posibleng mu-apil sa slate.
Samtang sa isyu kung siya na ba ang lider sa oposisyon, gipadayag niini ang iyang pagkatawo ug prinsipyo, wala siya maglihok alang sa administrasyon o oposisyon kondili alang sa pagtabang sa katawhan.
Una nang gibutyag sa bise presidente nga si Baste ang mudagan pagkapangulo sa tuig 2028 ug gitambagan siya sa iyang inahan nga subling mudagan pagka-mayor sa Davao City.
