BUTUAN CITY – Atua karon sa Qatar si Vice President Sara Duterte alang sa pipila ka mga kalihukan ka-uban ang mga overseas Filipino workers sa sa Doha adiser mubiya padulong sa The Hague, Netherlands aron didto magsa-ulog sa iyang adlaw’ng natawhan, ka-uban si kanhi Pangulong Rodrigo Duterte.
Sigon sa Office of the Vice President, gikatakdang makigtagbo si VP Sara ngadto sa Filipino community sa Doha human nakatambong sa thanksgiving mass sa Our Lady of Rosary Church nga gisundan sa pagpakigkita niya sa pipila ka mga OFWs.
Mubisita si VP Sara sa iyang amahan karong Mayo 30 ug sa Mayo 31 sa-ulugon ang iyang 47th birthday sa Duterte Park nga gawas lang sa International Criminal Court kon ICC, base na sa pag-organisa sa mga Pinoy sa maong nasud ug sundan niya ang pagbisita sa Hunyo 2 ug 3. Usa sa iyang birthday wish nga mabalik na sa Pilipinas ang iyang amahan.
