BUTUAN CITY – Duna’y nakitang functional dilemma ang pipila sa mga ka-alyado ni Vice President Sara Duterte alang sa gikatakda pagtaral sa iyang impeachment case sa Senado.
Sumala ni Jeffrey Celiz, Secretary General sa grupong Sambayanan, tungod matud pa sa kagubot sa nasangpit nga pagtaral, human gisibog ni Senate President Chiz Escudero ang pagbasa sa Articles of Impeachment sa Bise Presidente ngadto sa Hunyo 11, kansa maoy timailhan sa pagbukas sa pagtaral niini, apektado gilayon ang hurisdiksyon sa nasangpit nga kaso.
Subay ni Celiz, mahimo matud pang motumaw ang ‘imminent question of jurisdiction’ kung i-carry over ba kini o dili, ngadto sa 20th congress kansa mulingkod karong bulan sa Hulyo.
Kini tungod kay nakalatid man sa Senate Rule number 44 nga kinahanglang ma-terminate ang mga unfinished businesses sa naha-unang kongreso ugaling matapos na ang ilang termino ug duna nay mupuli kanila isip mga bag-ong senador.
Anaa usab sa maong rule nga mamahimo kining dawaton sa mosunod nga kongreso, apan sugdan nila kini sa uno, kansa sumala ni Celis, dako ang posibilidad nga ma-dismiss kini.
Tungod usab sa kawalay oras na sa 19th Congress alang sa maong pagtaral, mamahimo matud pang motumaw ang functional dismissal kon pagka-dismiss sa nasangpit nga kaso via technicality.
Subay sa maong dilemma, mahimo kining dakong problema sa House of Representative, ilabina nga ila kining gipapasar nga impeachment case nga wala mi-agi sa insaktong proseso.
Alayon niini, mamahimo gihapong idagan sa mga magbabalaod ang nasangpit nga kalibog ngadto sa Korte Suprema, apan sigon ni Celiz, bisan kon dawaton kini sa Supreme Court nga kaso, maghulat na usab ang mga kalaban ni Duterte og pila ka bulan adiser kini maresolba kansa dakong posibilidad nga mahuman n alang ang tuig 2025, dili pa kini masulbad sa Korte, rason nga mag back to Zero na usab ang maong kaso sunod tuig.
Ang pamahayag ni Jeffrey Celis.
