BUTUAN CITY – Giklaro ni Vice President Sara Duterte nga dugay na niining gusto og impeachment trial sa Senado aron malimpyuhan ang iyahang pangalan gikan sa mga isyu nga gipasangil kaniya.
Atol sa press conference nga gipahigayon sa The Hague, Netherlands, gibarugan sa bise presidente nga political persecution kini batok kaniya rason nga gigamit niini ang mga pulong nga bloodbath tungod kay gi-isip niya nga paglansang sa krus ang nasangpit nga impeachment.
Kahibaloang duna pay petition ang bise Presidente sa Korte Suprema arun pugngan ang maong pagtaral, ug wala pa niya kini gi-atras.
Apan subay ni House Assistant Majority Leader Jude Acidre, salikwaot matud pa ang maong mga pulong ug kadramahan lang. Nagtuo ang kongresista nga matuman gihapon ang impeachment trial taliwala nga nabalhin na usab ang pirmerong adlaw sa pagsugod niini.
Subay pa sa representante, kung tinood nga wala’y sala si VP Sara, kinahanglan siyang mu-atubang sa impeachment trial.
