BUTUAN CITY – Gikataw-an lang ni Vice President Sara Duterte ang panawagan sa iyang amahang si kanhi Pangulong Rodrigo Duterte, nga biyaan na niini ang pulitika ug magpuyo nga malinawon. Sa iyang press conference, gipadayag niini nga human matud pa siya gidasig sa iyang amahan nga magsige lang og dagan, kalit lang matud pa mabali ang baruganan niini, dayong pahiyom.
Sigon ni VP Sara, mu-abot ra ang panahon nga biyaan niya ang pulitika kansa mao usa’y iyang gusto apan dili pa niya kini mabiyaan karon tungod kay kinahanglan pa niyang mutrabaho sa 32.2 milyunes ka mga Filipinos nga misalig kaniya ug naghimo kaniyang besi-presidente sa matag-usa.
Duna man matud pa’y plano ang tanan alang sa tagsa-tagsa nato ka kaugalingon, apan mupatigbabaw gihapon ang plano sa Ginoo rason nga iya nang gisalig ang tanan ngadto sa Kahitas-an.
Nasayrang na-atubang karon og congressional inquiry ang iyang Office of the Vice President ug ang gihuptan niya kaniadto nga Department of Education isip kalihim human matud pa migawas sa findings sa Commission on Audit sa paggamit matud pa og mga bogus nga acknowledgement receipts sa iyang confidential funds.
Gibarugan sa besi-presidente nga wala niya gigamit sa dili insakto ang pundo sa gobyerno dayong pasabot nga ang gihimong congressional inquiry, usa lamang ka test case alang sa giplanuhan sa kamara nga impeachment batuk kaniya.
