BUTUAN CITY – Gi-aghat ni Speaker Ferdinand Martin Romualdez si Vice President Sara Duterte nga personal nga mutambong sa pagdungog sa House Blue Ribbon panel ug ipasabot ang paggasto sa 612.5 milyones pisos nga confidential funds sa Office of the Vice President (OVP) ug Department of Education nga kanhi niini gihawiran.
Kini ang reaksiyon ni Romualdez sa pamahayag ni VP Sara nga nalooy kini sa iyang mga sakop nga miatubang sa komite tungod kay gipaka-ulawan matud pa kini sa mga magbabalaod ug na-apektuhan usab ang ilang reputasyon.
Sigon ni Romualdez, dili dapat ipasa ni VP Sara ang responsibilidad nga ipasabot ang napadulngan sa pondo piaagi sa iyang mga subordinates.
Dugang pa ni Romualdez, limitado lang ang impormasyon sa mga staff ni VP Sara ug siya lang matud pa ang makatubag sa mga pangutana sa mga magbabalaod sa napadulngan sa confidential fund.
