BUTUAN CITY – Gibarugan ni kanhi Vice President Leni Robredo nga personal lang ang mga gihisgutan nila Vice President Sara Duterte dihang gibisita siya sa besi presidente sa iyang balay. Sigon ni Atty. Ybarra ‘Barry’ Gutierrez, tigpamaba sa kanhi besi presidente, igo lang sila nagkumustahay og nagtabi kalabot sa personal nilang kinabuhi nga milungtad og usa ka oras.
Dugang pa ni Gutierrez, gidawat ni Robredo ang besi presidente nga dili bug-at sa iyang buot bisan pa man sa ilang nangaging mga bikil.
Nasayrang midalikyat sa Naga City si VP Sara kagahapon aron pagtambong sa centennial canonical coronation sa Our Lady of Peñafrancia. Sigon ni PLCol. Chester Pomar, tigamaba sa Naga City Police Office wala mangayo og siguridad si VP Sara apan otomatiko matud pa nila ang Standard Operating Procedure nga hatagan og siguridad ang mga very important persons kon VIPs nga mubisita sa ilang lugar.
Sigon usab sa kampo ni VP Sara, personal kining gi-imbitar sa iyang higala aron mutambong sa centennial anniversary mass. Nakigkita usab siya samga prominenteng personalidad sa Bicol Region
