BUTUAN CITY – Gisagang sa Palasyo Malakanyang ang mga birada ni Vice President Sara Duterte nga gibiyaan matud pa siya sa gobyerno, lakip na ang Office of the Vice President.
Subay niini, gibali sa Palasyo ang nasangpit nga pamahayag.
Sumala ni Palace Press Officer USec Claire Castro generalized ra matud pa ang maong pamahayag sa bise presidente.
Sumala pa ni Castro nga walay namiya sa bise Presidnete, gani, basin kon ang Gobyerno pa hinoon ang gibiyaan niini.
Pamugos ni Castro nga gusto lamang matud pang ipagawas ni VP Sara nga makalulooy siya sa mata sa publiko, ingon man ang OVP. Apan kung sumahon matud pa, gihatagan matud pa ang Bise Presidente og panahon nga depensahan ang kaugalingon niini sa paggamit sa P120bilyon nga intelligence ug confidential funds, apan wala matud pa niya kini nahimo.
Sumala pa ni Castro nga dili babagan sa pangamhanan ang gipangayo nga budget ni VP Sara, kung napasabot lamang untana niini og tarong ang ilahang mga pangutana mahitungod sa nagamit matud pa niining confidential funds.
