BUTUAN CITY – Gipanghimakak ni Vice President Sara Duterte ang alegasyon sa mga tawong naglagot kaniya, nga ang rason nga dili ihinayon karong 19th Congress ang impeachment trial alang kaniya tungod kay gihadlok matud pa niya si Senate President Chiz Escudero.
Sigon sa Bise Presidente, ka-ila siya sa senador nga usa ka isog ug duna’y baruganan ilabina nga apil kini sa gibansagan kaniadtong mga batan-ong kongresista nga ‘Spice Boys,’ rason nga imposibleng nahadlok kini kaniya alang sa iyang impeachment.
Duna matud pa’y kaugalingong rason ang Senado rason nga dili nila hisgutan ang impeachment batuk kaniya dungan sa pagklaro nga andam kanunay ang iyang legal counsel kung mahinayon na kini.
Madumdumang gisibog sa Senate Pesident ang pagbasa sa Articles of Impeachment sa rasong kulang na sila sa oras sa proseso ug pagpangandam rason nga mas maayong sa 20th Congress na kini hisgutan.
