BUTUAN CITY – Nagpadayon karon ang voucher redemption alang sa mga benepisyaryo sa Walang Gutom 2027: Food Stamp Program (WGP) sa mga bag-ong munisipyong benepisyaryo niini dinhi sa Caraga Region.
Bisan sa adlaw nga Sabado, wala’y pu-as ang mga personahe sa Department of Social Welfare and Development (DSWD) Field Office Caraga, pagpangumpra og mga sustansyadong mga pagkaon alang sa mga benepisyaryo gamit ang ilang mga Electronic Benefit Transfer (EBT) cards nga adunay sulod nga Php3,000.
Ang mga benepisyaryo sa mga lungsod sa Sison, Taganaan, Bacuag, Placer, San Benito, ug Del Carmen, sa probinsya sa Surigao del Norte mao ang nakapahimulos kagahapong adlawa.
Ang Walang Gutom 2027: Food Stamp Program mao ang nag-unang programa sa administrasyon ni Pangulong Ferdinand Romualdez Marcos, Jr. nga gimugna alang sa pagbatok sa problema sa kagutom ug kawad-on nga gi-atubang sa mga low-income households dinhi Pilipinas.
