BUTUAN CITY- Kompyansa ang Volunteers Against Crime and Corruption kon VACC sa testimonya ni Bonifacio Baro o ‘Alyas Totoy’ batok sa mga artista nga sila Michelle Dee, Samantha Panlilio ug Rhian Ramos kansa giingong nakasinati matud pa kini og pagmaltrato.
Sumala ni VACC President Arsenio “Boy” Evangelista, gisusi ug gi-validate sa grupo ang salaysay ni Baro sa wala pa kini gitabangan nga mosang-at og kaso sa National Bureau of Investigation kon NBI.
Sigon usab ni Baro nga gipreso kini sa condo ni Ramos, misulay og pag-ikyas gikan sa ika-39 nga andana, ug ming-angkon nga mingkuha kini og ampaw nga adunay ‘material film’ nga nagkantidad og P30 milyon. Gipunting usab ni Evangelista nga upat ka tuig na nga nagserbisyo si Baro kang Ramos sa lain-laing kapasidad hangtod sa nahitabo ang insidente.
Samtang sa laing bahin, giklaro sa legal counsel nila Dee ug Ramos nga si Atty. Maggie Abraham-Garduque nga bakak ang tanang alegasyon ug giingon nga imposible kini mahitabo diin si Dee anaa sa Iloilo niadtong Enero 17 ug mibalik sa Manila pagkasunod adlaw, pamatuod niini ang plane ticket sa celebrity.
