BUTUAN CITY – Duna gihapo’y mga residente sa estado sa Florida sa Amerika ang wala nanghikling taliwa sa nagsingabot nga pagkuso-kuso sa hurricane Irma, pipila ka adlaw gikan karon human ang paglatigo niini sa mga isla sa Caribbean.
Kini ang gikumpirma ni Josephine Berse-Clint, lumad nga taga-Nasipit, Agusan del Norte og atua na nagpuyo sa Highlands, Florida human naminyo.
Gibutyag ni Josephine nga wala sila namakwit tungod kay dili matud pa sila sentro sa ma-igo sa category 5 nga bagyo kumpara sa mga anaa sa Miami og Key West nga una nang namakwit.
Sa ilang lugar, boluntaryo lang matud pa ang pagbakwit tungod kay gawas nga sa adlaw’ng Dominggo pa o kaha Lunes, oras sa Amerika muhapak sa ilang lugar ang bagyo, natung-an pa sila sa Miami og Jacksonville.
Apan bisan pa man, alerto gihapon sila og kanunay’ng andam bisan og linaw pa karon sa ilang lugar ilabina nga wala pa nila nabati ang kusog nga hangin og ulan. (Beth Ruiz)
