BUTUAN CITY – Patay ang hepe sa Investigation and Detective Management Section (IDMS) sa Caloocan City North Police Station human nakigpinusilay sa mga pulis nga misunod kaniya human siya nang-hold up sa usa ka convenience store sa lungsod sa Marilao, Bulacan, niadtong Lunes sa gabii.
Sumala ni Police Regional Office kon PRO-3 Director PBGen. Ponce Rogelio Peñones Jr., gibana-banang mu-abot sa ₱20,000 ang nakuha sa suspetsado gikan sa tindahan sa Barangay Sta. Rosa I adiser misibat sakay sa motorsiklo.
Nasikop kini sa gilusad nga hot pursuit sa Marilao police apan nakigpinusilay kini, hinungdan nga napatay kini sa mga miresponde usab nga pulis.
Padayon ang imbestigasyon aron masuta kung konektado ba kini sa sindikatong nangawat sa mga convenience stores sa Central Luzon.
