BUTUAN CITY – Imbistigahan na sa Philippine National Police Anti-Cybercrime Group (ACG) ang vlogger nga si Rendon Labador tungod sa posibleng biyolasyon sa pribasiya nga nahimo niini human iyahang gi live streamed ang police raid sa mga opisina sa kompanya online lending application.
Sumala pa nga gitungotan sa PNP-ACG si Labador, uban ang lain pang mga media entities sa pag cover sa maong operation apan gihatagan lamang kini sila ug “limited access,” kini sumamala pa ni ACG spokesperson Capt. Michelle Sabino. Matud pa ni Sabino nga giimbitahan nila ang uabn nga mga media ingon man vloggers alang sa transparensiya ug komprehinsibong coverage sa maong raid, apan gihatagan lamang nila kini ug limitadong execution sa maong operasyon.
Kahibaloan nga nakadawat ug reklamo gikan sa mga kaparentihan sa uban nga mga nakita sa live video ni Rendon ang kapulisan. Alayon niini, gikabutyag usab ni ACG spokesperson Capt. Michelle Sabino nga nakig partner ang ilahang ahensya ngadto na sa mga dagkong kompanya sa mga online money lending alang sa ilahang kampanya batok na sa mga online scams. Lakip usab sa ilahang gipakig partner ang mga nagkadaiyang media entities ug personalities sama nalang ni Labador.
