BUTUAN CITY – Nadakpan na usab ang inilang vlogger nga si Boy Tapang human gi-serve sa kapulisan ang arrest warrant batuk kaniya sa kasong paglapas sa Violence Against Women and Children’s (VAWC) Act.
Gi-isyu kini ni Judge Maria Ella Cecilia Dimaandal Dumlao-Escalante, presiding judge sa Regional Trial Court (RTC), Branch 143, sa Cainta, Rizal, kondiin gitugutan siyang makapyansa og ₱72,000.00 alang sa iyang temporaryong kagawasan.
Nasikop si Ronie Suan, 25-anyos, residente sa Brgy. Daan Lungsod, lungsod sa Alcoy, Cebu bandang alas-12:15 sa udto kagahapong adlawa Biyernes, Mayo 30, sa JD Veyra St, Brgy. Carreta, Cebu City.
Atol kini sa pagpatuman sa Simultaneous Anti Criminality Law’s Enforcement Operation kon SACLEO sa entiro Central Visayas.
