BUTUAN CITY – Gi-aresto kagahapong adlawa sa Quezon City ang gi-dismiss nga kanhi pulis ug vlogger nga si Francis Steve Fontillas, kinsa mibatikos kang Pangulong Ferdinand Marcos Jr. human ang pagka-aresto ni kanhi Pangulong Rodrigo Duterte.
Ang pagka-aresto kang Fontillas base sa warrant nga gi-isyu ni Quezon City Regional Trial Court Branch 224 Judge Zita Marie Atienza-Fajardo tungod sa kasong inciting to sedition in relation ngadto sa Republic Act 10175 k ansa mas nailing Cybercrime Prevention Act.
Mu-abot sa P36,000.00 ang girekomendang pyansa sa korte alang sa iyang temporaryong kagawasan.
Gipasaka ang kasong sedition batuk kang Fontillas tungod sa iyang mga Facebook posts nga nag-awhag pagpahagba sa Marcos administration human ang pagka-aresto ni Duterte niadtong Marso 11.
Gi-dismiss siya sa serbisyo tungod sa grave misconduct, conduct unbecoming of a police officer ingon man disloyalty to the government.
