BUTUAN CITY – Nagkasabot sila Russian President ug North Korean supreme leader Kim Jong Un nga unungan ang usag-usa sa tanang hulga ug agresyon nga ilang masinatian.
Kini ang gi-anunsyo ni Putin human sa engrande niining pagbisita sa Pyongyang, kansa maoy pinaka-una niining pagbisita sa nasod sukad niadtung tuig 2000.
Sumala usab ni Kim, ang pagbisita ni Putin, nagdala sa relasyon sa duha ka nasod sa bag-o ug high level sa alyansa.
Sumala sa mga eksperto, ang mga kasabutan nga namugna sa maong nasod, mahimong usa ka pamaagi sa pagtinabangay batuk sa ilang mga ka-away, sama na lang sa pagtabang sa Pyongyang sa Russia batok sa Ukraine ug ang pagtabang usab sa Russia ngadto na sa North Korea batok sa mga kabangi niining mga nasod.
Una niini, gikataho usab nga ang North Korea ang ga-supply og mga armas sa Russia alang sa gyera niini batok sa Ukraine, ingon man ang Russia usab may tighatag sa mga gikinahanglan sa North Korea alang sa ilang mga space technology programs.
