BUTUAN CITY – Wala na maka-abot pang buhi sa ilang pinuy-anan ang usa ka lalaki dihang pa-uli na unta gikan sa iyang trabaho human kini mibangga sa barikada sa may Purok 5, Brgy Ambago ning siyudad sa Butuan pasado alas-6:10 kagabii.
Naila ang biktimang si Lito Cuenca Jr., 38 anyos, ug residente sa Brgy. Pinamanculan ning siyudad ug watchman sa usa ka construction firm.
Migawas sa inisyal nga imbestigasyon nga angkas matud pa niini ang ka-ubanang steelman nga si Algin Dumadag, 25-anyos, residente sa Sowa, Brgy Lawigan, Tubay, Agusan del Norte aron mamalit og pagkaon.
Pa-uli na unta sila sa ilang bunkhouse apan gumikan sa kangitngit sa lugar, wala niini makita ang Z-piles steel hinungdan sa ilang pagkabangga kondiin nalabay sa sementadong kalsada ang mga biktima nga miresulta sa hinanaling kamatayon sa driver ug pagka-angol usab ni Dumadag.
