BUTUAN CITY – Duna nay person of interest ang mga otoridad mahitungod sa nahitabong kamatayon sa usa ka senior citizen sa Bgy. Cabcabon, Butuan City ning nakalabayng adlaw.
Kahinumduamng nagbuy-od ug naligo na sa iyahang kaugalingong dugo si Rolando Guimel, tigbantay og kalubian, 73-anyos ug residente sa nasangpit nga lugar, dapit sa bike niini niadrung Agusto 21 bandang alas 9:35 ang takna sa buntag.
Sa unang lantaw, abi matud pa sa pamilya kon giatake lamang kini sa iyahang sakit, apan nakumperma sa mga kapulisan nga duna diay kini laslas sa iyahang liog, dinukdukan sa ulo, ug mga dinunggaban sa lawas.
Sumala sa anak sa biktima nga si Pitchie Asio, giisip nga person of interest ang kanunayng nakit-an sa iyahang amahan nga nangawat og lubi, kansa gitudlong nakagamit usab og illegal nga drugas.
