BUTUAN CITY – Gisugdan ning adlawa sa Department of Health kon DOH-Caraga ang lima ka adlaw’ng Virtual Town Hall and Social Listening Forum uban sa mga barangay kapitan sa entiro rehiyon.
Sa eksklusibong pakighinabi sa Bombo Radyo Butuan, gipadayag ni Romelyn Torralba, information officer sa maong buhatan, tumong niini nga makakuha og vaccination services ug mapatas-an ang ihap sa mga magpabakuna diha sa mga priority eligible groups ning rehiyon sukad gilsugdan niadtong Marso ang pagpangtupok og mga COLVID-19 vaccines.
Tinguha usab sa ilang ahensya nga managhan ang mga gikonsiderang kampyon pinaagi sa paghatag sa nagkada-iyang sectors information kalabot sa vaccination program.
Sigon ni Torralba, tngod kay duna’y check and balance nga ipatuman, muhatag sila og update sa mga barangay kapitan kalabot sa kalambuan sa bakuna, vaccination status report ingon man ang situational report sa rehiyon aron masabtan sa mga kapitan ang tanang angayan nilang masayran ilabina nga partner nila kini.
Ning adlawa, gihimo kini sa didto sa Surigao del Sur nga gisugdan kagannang alas-nueve sa buntag sa unang batch samtang alas-dos sa hapon usab sa ikaduhang batch.
Ugmang adlawa Biernes, Mayo 7, himuon kini sa Surigao del Norte; Mayo 11 sa Agusan del Sur; sa Mayo 13, Agusan del Sur gihapon ug Agusan del Norte samtang sa Dilnagat Islands province usab sa Mayo 14.
Giklaro pa sa opisyal nga ang nasangpit nga forum brainchild kini sa ilang rehyunal nga buhatan uban sa pag-abag sa Department of Interior and Local Government kon DILG-Caraga aron masigurong tambungan kini sa mga kapitan.
Nagdumili pa kini paghatag og time frame kung kanus-a matapos ang vaccination program tungod sa daghang mga factors matud pa nga angayang ikonsidera ilabina ang availability sa bakuna.
Nakig-alayon sila sa mga barangay kapitan tungod sa kamatu-urang ang problema karon sa pandemya, dili lang concern sa DOH kondili apil na sa mga barangay leaders.
