BUTUAN CITY – Niani ug nagkadaiyang reaction sa twitter world ang usa ka footage video diin gi-itsa sa driver pagawas sa school bus ang usa ka bata ug mga dulaan niini. Sa nasangpit nga video nga gikan sa amerika makita ang batang lalaki nga naka hood jacket nga gibalibag pagawas sa bus sa nasuko kaayong school bus driver.
Gilayong nipalag ang mga nilabay nga pedestrian ug gi ataki ang wala na hinginling driver tungod sa iyang gibuhat sa nasangpit nga batang lalaki. Samtang ang laing naka witness gitabangang makabarog ang bata nga na umod sa kilid sa highway.
Didto na nabulabog ang tanan human nga natangtang ang hood ug nasuta nga dili na diay bata ang ilang gidepensahan kundi usa ka unano nga nagsukbot ug sinina nga pambata ug gilayong gibiyaan sa mga tawo
Posible matod pang modus kadto sa wala na hinginling indibidwal aron makasakay nga libre sa school bus.
Mukabat na sa 100 mil ka mga likes ug 28 na ang mi-retweet sa Twitter sa mga netizen nga naglibog kung tinuod ba ang maong incidente o social experiment.
Bisan sa laing social media platform libuan ang share, comments ug reaction sa nasangpit nga video nga naghatag ug good vibes sa mga facebook ug twitter users.
