Vilma Santos, nanawagan na sa mga nagbanging pulitiko nga paminawon ang pulso sa suko na nga katawhan

BUTUAN CITY – Wala na mapugngi pa ni Star for All Season Vilma Santos ang iyang kaugalingon ug mikomento na sa nagpadayong bangi karon nila Pangulong Ferdinand ‘Bongbong’ Marcos Jr. uban sa iyang mga alipores batuk kang Vice President Sara Duterte.

Sa usa ka interview, gipadayag ni Ate Vi nga wala’y laing maala-ot sa bangi karon sa duha ka mga tag-as nga opisyal sa kagamhanan kondili ang mga yanong tawo lang.

Ang angayan matud pang buhaton mao ang paghi-usa ug pagtrabaho isip usa ka team alang sa kaayuhan sa tanan.

Gilakbitan usab sa aktres nga angayang paminawon na ang pulso sa suko na kaayo karon nga katawhan aron makhimo og maayong mga lakang nga ikaayo dili lang sa katawhang Filipino kondili apil na sa Pilipinas.