BUTUAN CITY – Na-contain na sa Vietnam ang pagkaylap sa makamatay nga coronavirus disease-2019 kon COVID-19, base na sa pagkumpirma ni Ron Delos Nieves Hernane kinsa mag-duha ka tuig nang magtutudlo sa usa ka pampublikong tunghaan sa Halong City sa Hanoi sa ekskilusibong pakighinabi sa Bombo Radyo Butuan.
Sumala ni Hernane, tungod kini sa sayong pagpatuman sa kagamhanan sa lockdown niadto pang Pebrero kondiin systematic pa ang pagdala sa gobyerno diha sa pakig-batok sa makamatay nga sakit.
Gibutyag usab ni Hernane nga wala’y nagbagulbol nga mga residente panahon sa lockdown tungod kay nahatagan man sila og hinabang sa gobyerno gawas pa sa pagbutang og ATM rice dispenser sa mga pampublikong lugar alang sa mga naglisod nga mga residente kondiin libreng makakuha ang mga local residents og tag-duha o kaha tag-tulo ka kilong bugas.
Nakalatid nga slogan sa rice dispenser ang mga pulong nga “Take some if you are in need and leave it to somebody else if you are fine”.
Bisan sa pagkuha og bugas sa maong dispenser, gi-obserba gihapon ang social distancing aron masigurong nakasulod sila sa usa sa mga lockdown policies
Sa pagkakaron, wala na’y natalang bag-ong natakbuyan og maong sakit sa nakalabay nga mga semana hinungdan kagahapong adlawa pormal nang gitangtang sa gobyerno ang gipatumang lockdown.
Samtang base na sa rekomendasyon sa Ministry of Education, subli nang magbukas sila sa ilang mga klase human gisira og tulo ka bulan tungod usab sa lockdown.
