BUTUAN CITY- Mubalik sa Pilipinas ang Vienna Boys’ Choir, usa sa labing iladong choir sa kalibutan, aron ipagawas ang ilang centennial tour human sa kapin usa ka gatus ka tuig nga tradisyon sa paglibot.
Gitukod kini 102 ka tuig ang milabay ug unang naglibot sa Germany ug Switzerland niadtong 1924, ang choir nga gimugna sa mga batang sopranos ug altos karon nahimong 97 ka aktibong miyembro nga gibahin sa upat ka grupo kansa nagdala sa pangalan sa mga maestro nga sila Mozart, Haydn, Schubert, ug Bruckner, diin collectively nagpasundayag og kapin 300 ka konsiyerto matag tuig.
Una silang mi-anhi sa Pilipinas niadtong 1967 ug mi-perform usab sa PICC Plenary Hall usa ka dekada ang milabay. Karong Abril 26 ug 27, magpasundayag na usab sila sa Newport Performing Arts Theater sa Parañaque, nga gi-organisa sa Ovation Productions, Cultural Center of the Philippines, ug Austrian Embassy sa Manila.
Ang ticket gibaligya gikan P1,500 hangtod P8,500 ug available sa SM Tickets website.
