BUTUAN CITY – Sa tumong nga mapa-abot sa tanang mga Filipino ang tinuod nga nahitabo niadtong wala’y buto nga pag-raid sa mga rebeldeng New People’s Army kon NPA sa CAFGU Detachment sa Brgy. New Tubigon, lungsod sa Sibagat, Agusan del Sur nga miresulta sa pagkabihag nila sa 14 ka mga tropa sa gobyerno, usa ka video footage ang ilang gipadala eksklusibo sa Bombo Radyo Butuan.
Makita sa video nga duna’y titulong ‘Commando Raid’ ang nilang pagplano apil na ang pag-train sa ilang mga sakop adiser ang aktwal nga raid hangtud sa malampuson nilang pagtuman sa plano nga miresulta usab sa pagkumpiska nila sa 23 ka mga high powered firearms.
Klarong makita nga parehong tulog kaayo ang tropa kondiin posibleng tungod sa kusog nga ulan rason nga bisan ang mga iro sa palibot wala nakapatimaho sa ilang pag-abot.
Apil sa mga nakumpiska ang 16 ka mga M16 armalite rifles, tag-usa ka R4, R4 with M203, M60, kalibre 45 nga pistola, 3 ka M14, 7-mil ka mga rounds sa nagkada-iyang mga bala, kapin sa 100 ka mga magazines, usa ka Harris radio, og ubang mga military materials.
Adiser gibiyaan ang maong lugar, giguba og gisunog pa sa mga rebelde ang maong detachment.
Samtang sa panig usab sa 402nd Brigade Philippine Army nga nakabase sa Brgy. Bancasi ning siyudad sa Butuan, gipadayag ni Major Ronald Putol – Civil Military Operations (CMO) officer, ila pang ipakita sa ilang higher officials ang maong video adiser makapagawas og pamahayag. (Beth Ruiz)
