BUTUAN CITY – Ningsangput sa pagpangwenta ni Vice President Sara Duterte kang Senadora Risa Hontiveros ang pagdungog kagahapong adlawa sa sa budget hearing sa Senado alang sa Office of the Vice President sunod tuig nga nagkantidad og 2.037 billion pesos.
Una nang nagtubag ang duha mahitungod sa programa nga gustong punduhan sa Bise Presidente sama sa ubang programa sa gobyerno. Sunod nilang gilalisan ang pambatang libro nga ipublisar sa bise Presidente kansa nagkantidad og 10-milyunes pisos kondiin duna man kini pangalan sa besil-presidente sa front page nga gikwestyon sa senadora.
Sigon ni VP Sara, dayag ra nga pamulitika ang mga pangutana ni Senadora Risa, tungod kay ang giproblema lamang niini mao ang iyang pangalan nga anaa sa front page sa libro, kansa nag-ulohan og ‘Isang Kaibigan’.
Saysay sa Bise Presidente, namroblema lamang ang Senadora tungod kay makita sa mga botanteng ginikanan ang iyang pangalan sa nasangpit nga libro, nga plano nilang i-distribute sa mga lagyong lugar sa Pilipinas dayong kwenta sa natabang sa iyang amahan ngadto sa kada-ugan ni Hontiveros ug dihang midaog, una niining gitira ang iyang amahan.
Tubag ni Senadora Risa, wala niya masabti ang batasan sa Vice President taliwa nga ang iya lang pangutana, kalabot sa unsa ang mang libro ug pila ka mga kopya ang ipanghatag.
Aminado kining dismayado siya sa taras ni VP Sara.
