BUTUAN CITY – Posibleng manubag si Vice President Sara Duterte sa pagsupak niini sa Anti-Terrorism Act, usa sa mga balaod nga gipirmahan sa iyang amahan nga si kanhe Pangulong Rodrigo Roa Duterte niadtong 2020 tungod matud pa sa iyang paghulga sa kinabuhi nila Pangulong Ferdinand “Bongbong” Marcos Jr., Unang Ginang Liza Araneta-Marcos, at Speaker Ferdinand Martin G. Romualdez.
Ang maong pamahayag ni VP Sara kansa giisip nga hulga sa kinabuihi sa first family, gi-imbestigahan na sa National Bureau of Investigation (NBI) ug usa sa posibleng kaso nga mamahimong atubangon niini ang Anti-Terrorism Act.
Gibatikos usab ni House Assistant Majority Leader ug Zambales Rep. Jay Khonghun ang mga pamahayag ni Duterte nga tumong sa mga lakang sa otoridad ang i-freeze ang iyang mga kabtangan ug isusama kini sa nadangatan ni kanhe Negros Oriental Rep. Arnolfo Teves Jr. nga gitawag niining “Arnie Teves playbook.
Gipunto ni Khonghun nga ang mga nahitabo kang Duterte bunga sa iyang mga gihimo ug dili sa gobyerno. Ang mga pamahayag sa mga magbabalaod human sa mga nagpadayong imbestigasyon mahitungod sa mga sayup nga paggamit ni Duterte sa mga confidential funds nga dunay katibuk-ang kantidad nga 612.5 milyones pesos ug mga hulga batuk sa mga taas nga opisyal sa gobyerno.
