BUTUAN CITY – Ningsangput sa pagpangwenta ni Vice President Sara Duterte ngadto kang Senadora Risa Hontiveros ang pagdungog kagahapong adlawa sa Senado mahitungod sa sugyot nga national Budget alang sa Office of the Vice President sunod tuig nga nagkantidad og 2.037 billion pesos.
Una nang nagtu-bag ang duha mahitungod sa programa matud pa nga gustong ponduhan sa Bise Presidente nga sama ra sa ubang programa sa gobyerno, sunod usab nga gilalisan sa duha ang pambatang libro nga ipublisar sa bise Presidente kansa nag kantidad lamang og 10-M Pesos, apan duna man kini pangalan sa ikaduhang pangulo sa front page.
Sigon ni VP Sara nga dayag ra matud pa nga pamulitika ang mga pangutana ni Senadora Risa, kundiin ang problema lamang niini kay ang pangalan sa Vice President nga anaa sa front page sa libro, kansa nag ulohan nga Isang Kaibigan, saysay sa Bise Presidente nga namroblema lamang ang Seandora tungod kay makita sa mga botanteng ginikanan ang iyang pangalan sa nasangpit nga libro, nga plano nilang idistribute sa mga lagyong lugar sa Pilipinas.
Tubag ni Senadora Risa nga wala niya masabti ang batasan sa Vice President
Alayon niini, nakapangwenta na hinoon Si Vice President Sara kang Senadora Risa, kansa sumala pa niini nga mas wala matud pay batasan ang nasangpit nga Senador tungod kay kini man ang unang ning batikos kang kanhi Presidente Duterte taliwala pa man sa tabang sa iyahang amahan arun makadaug kini sa eleksyon.
