BUTUAN CITY – Subo nga gipahibalo sa Team Gugma og Lakas CMD ang pagkawala sa ilang mayoralty candidate sa Tagbina, Surigao Del Sur nga si Kasamtangang Besi Mayor Antonio “Tony” Adlao.
Katapusan matud pa kining nakita niadtong Marso 25 sa gabii, ang unang adlaw sa campaign period. Subay niini gipanawagan sa grupo ang otoridad nga pangetaon ang besi mayor og segurohon ang kaluwasan sa tanang Surigaonons.
Gikondena usab niini ang tanang bayolenteng buhat batuk sa katawhan sa Surigao Del Sur.
Una nang gipaabot ngadto sa Tagbina Municipal Police Station ang pagkawala sa Vice mayor nga sumala pa sa iyang pag-omangkon, wala na niya nakita diha sa farmhouse sa Purok-7 Barangay Malixi, Tagbina.
Samtang nakit-an ang single motor nga gipanag-iyahan sa biktima, mga 300 metros ang gelay-on gikan sa iyang farmhouse apil na ang handheld radio niini.
Dunay nang-gawas na usab nga alegasyon nga matud pa nakadawat nag hulga sa kinabuhi ang vice mayor gikan sa rebelding NPA human usag gipangayoan matud pa og permit to campaign.
Sa kasamtangan, padayon pa ang pagpanubay sa kapulisan sa maong hitabo samtang abli usab ang sibyahan alang sa panig sa walhong grupo.
