BUTUAN CITY – Gipa-abot na sa mga kadagkuan sa St. Joseph Cathedral ning siyudad sa Butuan ngadto kang Kapitan Antonio ‘Dodong’ Masamayor sa Brgy. Anticala ning siyudad ang pagbinastos sa usa ka grupo sa mga batan-on didto mismo sa Panaad site ning siyudad.
Partikular nga nagpahulagway ang mga batan-ong lalaki tungod mismo sa gimontar nga tulo ka krus kansa mao ang venue alang sa himuon usab nga via crucis.
Nasayrang mi-ani og mga pagsaway og gi-bully na sa mga netizens ang maong mga batan-on human nga mikaylap sa Facebook ang post nga nagpakita sa ilang kabastos samtang nakamotorsiklo kondiin ang usa kanila mipakita sa iyang sampot atol sa ilang groupfie samtang duna’y isa nga mipataas sa iyang t-shirt og nakita ang iyang manoy nga iya lang gisakdap sa iyang kamot aron dili tanto makita.
Migawas sa inisyal nga pakisusi nga sikat matud pa nga grupo sa kataban-unan sa Sitio Mahayahay sa maong barangay ang mga responsable.
Sigon sa mga netizens, usa ka pagpasipala kon blasphemy matud pa ang gihimo sa mga batan-on nga makonsiderang crime against religious worship kansa mamahimong masilkutan og pagkabilanggo.
