BUTUAN CITY – Klaro pa sa panumduman ni Lorena Narvasa, saksi sa pagpangluba-patay sa may Brgy. Ong Yiu ning siyudad ang iyang nakita kagahapon.
Sa eksklusibong pakighinabi sa Bombo Radyo Butuan, gipadayag niini nga anaa lang sila sa kasikbit nga opisina sa construction company diin nahitabo ang kremin, dihang misulod ang suspetsadong si Michael Chavez, residente sa Purok 7, Brgy. Banza.
Gi-lock matud pa sa suspek ang maong opisina diin anaa sa sulod ang biktimang si Rodel Gonzaga Valenzona, 42-anyos, duna’y ka-ipon ug residente sa Village 2, Brgy Libertad ning siyudad sa Butuan uban sa secretary sa maong construction company.
Saysay pa ni Lorena, nakita niya ang pagluba-luba sa suspek ngadto sa biktima kinsa wala na makasibat pa tungod kay gilakan naman ang maong buhatan.
Nakita usab niya ang babaye nga mitago ilalom sa lamisa kondiin wala pa gihapon mugawas ang suspetsado hangtud sa pag-abot sa mga pulis.
