BUTUAN CITY – Gikumpirma ni Department of Justice (DOJ) Secretary Jesus Crispin Remulla nga duna nay gipagawas nga Immigration Lookout Bulletin Order (ILBO) batok sa mga indibidwal nga nalambigit sa pagkawala sa mga sabungero.
Lakip sa maong mga indibidwal ang negosyanteng si Atong Ang, aktres nga si Gretchen Barretto, retired National Capital Regional Police Office Director Lt. Gen. Jonnel Estomo ug laing kapin sa 50 aron ma-monitor ang ilang mga paglihok.
Sigon ni Remulla, ang tanan nga gibulgar sa whistleblower nga Julie ‘Dondon’ Patidongan nga nalambigit sa pagkawala sa gibana-banang 100 ka mga sabungero sukad kaniadtong 2021 hangtod 2022, anaa sa ILBO.
Gi-angkon usab ni Remulla nga adunay ubang mga tawo nga nalambigit nga sa maong kaso, ang nakabiya na sa nasud.
