BUTUAN CITY – Nakauli na sa Pilipinas ang 31 ka mga Overseas Filipino workers (OFW) nga nanghikling gikan sa Middle East. gisugat ang mga niini sa mga opisyal sa Overseas Workers Welfare Administration (OWWA) ingon man sa Department of Migrant Workers (DMW) pag-abot sa Ninoy Aquino International Airport.
Gilangkiuban ang nasangpit nga 31 ka mga OFW’s sa 26 ka mga Pilipinong gikan sa Israel, tulo sa Jordan, ug isa sa Palestine ingon man isa usab sa Qatar. Sakay ang mga niini sa Qatar Airways Flight QR 934 kansa ning abot sa NAIA bandang alas 8 ang takna kagabir. KIni na ang unang batch sa mga Pilipino nga gihikling tungod sa kagubot tali sa Israel ug Iran.
Sumala ni DMW Secretary Hans Leo Cacdac nga nalangan pa og gamay ang flight sa nasangpit nga mga repatriates human nga temporaryong gisuspendi sa Qatari ang air traffic niini.
Saad pa sa opisyal nga mahatagan gayud og hinabang ang mga OFW. Sa kinatibuk-an, anaa pa sa 311 gikan sa ihap nga 30,000 ka mga Filipino ang nisanong sa repatriation efforts sa pangamhanan.