BUTUAN CITY – Ning saka na sa record-high nga P15.347 trillion ang utang sa Pilipinas, kansa natala ning katapusan sa Mayo 2024. Ningsaka kini og 2.2% o bugti sa P330.39 billion sukad niadtung Abril nga anaa lamang sa P15.017 trillion.
Pasabot sa Bureau of the Treasury (BTr) nga ang maong pagsaka sa utang sa nasod, tungod matud pa sa pagkunhod sa balor sa salaping lokal sa Pilipinas kon itandi sa langyaw nga salapi, rason nga mas ni dako ang utang sa nasod sa langyaw nga salapi kon itandi sa atong lokal nga kwarta.
Sumala sa maong ahensya nga ning huyang matud pa ang Philippine Peso kontra sa US dollar, diin ning kunhod kini gikan sa P57.58 nga bugti sa $1, niadtung bulan sa Abril, ngadto sa P58.52 kansa bugti sa $1 sa katapusang bahin sa Mayo.
Ning Mayo lang, anaa na sa P10.442 trillion kon bugti sa 68.04% ang domestic debt sa Pilipinas, ug P4.904 trillion usab ang external debt niini nga bugti sa 31.96%.
Alayon niini, ningsaka na usab ang domestic debt sa nasod sukad sa permirong bulan pa lang sa 2024 kansa ning tala na sa 4.2%, kon bugti sa P424.91 billion. Kung itandi usab sa nakalabay nga tuig, ning tubo usab ang utang sa Pilipinas sa 4.2%, kon bugti sa P9.588 trillion sugod niadtung Mayo 2023.
