BUTUAN CITY – tungod matud pa sa epekto sa pagkunhod sa kantidad sa piso kontra sa US dollar.
Sa datos gikan sa Bureau of the Treasury, ang utang sa Pilipinas anaa sa 16.020 trilyones pesos sa pagtapos sa Oktubre o 126.95 bilyones pesos nga mas taas kumpara sa 15.893-trilyones pesos nga balance sa pagtapos sa Setyembre.
Samtang 10.6 porisento o 1.539 trilyones pesos usab kining mas taas kumpara sa 14.480 trilyones pesos sa pagtapos sa Oktubre 2023.
Ang domestic debt milansang sa 10.889 trilyones pesos sa nasangpit nga buwan o 46.42 bilyones pesos nga pagkunhod gikan niadtong Setyembre.
Kini tungod sa 52.65-billion net redemption sa government securities, nga na-offset og 6.23-bilyones pesos nga pagtaas sa peso conversion sa dollar-denominated debt.
Ang external debt usab anaa sa 5.130 trilyones pesos o mas taas og 173.37 bilyones pesos gikan sa nakalabay nga buwan.
Sa datos gikan sa Department of Budget and Management (DBM), nakita nga ang borrowing program para sa 2024 anaa sa 2.4 trilyones pesos, o mas taas sa 2.207 trilyones niadtong nakalabay nga tuig.
