BUTUAN CITY – Ipadala sa White House si border czar Tom Homan ngadto sa Minneapolis tungod sa nagpadayon nga kaguliyang human ang pagpamusil sa mga ahente sa Immigration and Customs Enforcement (ICE) nga mipatay kang Alex Pretti.
Sigon ni White House press secretary Karoline Leavitt, bisan pa man sa pagpamusil, ipadayon gihapon nila ang lapad nga deportation dungan sa pagsiguro nga adunay hugot ug hapsay nga imbestigasyon nga gihimo ang mga otoridad may kalabutan sa maong insidente.
Kini tungod kay gusto matud pa ni US President Donald Trump nga matapos na gyud ang kaguliyang sa Minnesota.
Gibutyag usab niini nga adunay panaghisgot pinaagi sa telepono tali ni Trump ug Minnesota Governor Tim Walz, diin giikabutyag nga mi-uyon matud pa ang US President nga kunhuran ang gidaghanon sa mga ICE agents.
