BUTUAN CITY – Positibo as HIV Aids ang usa sa 75 ka mga nagpatest alang sa maong sakit kagahapong atul sa Dugong Bombo 2024.
Kini human nga nag montar usab ang Regional Program Office sa Sustained Health Initiatives of the Philippines o SHIP og Free Testing clinic alang sa HIV dungan sa nagmalampuson nga Dugong Bombo.
Sumala ni Anthony Torralba, Regional Program Officer sa Sustained Health Initiatives of the Philippines kon SHIP nga walay angay ikabalaka tungod kay ang maong indibidwal, dili man donor og dugo, ingon man nga nasayod na usab siyang daan sa iyahang sitwasyon adiser pa kini nagpatest.
Saysay sa opisayal nga imbis nga masagmuyo, kinahanglan matud pang ikalipay ang nasangpit nga sitwasyon tungod kay matawag matud pa kini nga kalampusan sanglit duna na usay laing nakita nga subject sa maong sakit, ug tungod niini, mahimong mapugngan pa ang lain napod unya nga matakan pa sa nasangpit nga indibidwal.
Ang pamahayag ni Anthony Torralba sa eksklusibong pakighinabi ning sibyahan.
