BUTUAN CITY – Nakabsan sa hinulamang kinabuhi sa nakalabay nga gabii ang usa sa duha ka sundalong samaran human gibanhigan sa rebelding New People’s Army kon NPA sa may Sitio Anahawan, Barangay Rojales, Carmen, Agusan Del Norte ala1:30 sa hapon sa nakalabay nga adlaw.
Sa pakighinabi ning sibyahan kang Lt. Col. Francisco Molina jr, Commanding Officer sa 23rd Infantry Battalion, Philippine Army, gikumpirma niining si Corporal Neil Young Donoso ang mitaliwan na samtang luwas na usab ang kaubang sundalo niini nga si Pfc Ricky Boy Legaria, .
Sumala pa sa opisyal, miadtu lang sa Manoligao National Highschool ang nasangpit nga mga sundalo aron makig-kooperar sa gihimong aktibidad sa lokal nga kagamhanan mahitungod sa information drive apan gi-ambush kini sa rebelde samtang sakay sa motorsiklo.
Gihulagway pa niining usa ka pagtraydor ang gihimo sa NPA sa kaayuhang tumong sa mga sundalo alang sa katawhan.
Samtang gihimakak usab ni Lt. Col. Molina ang alegasyon sa NPA nga miyembro sa death squad ang duha ka sundalo.
Sumala pa sa opisyal ang ilang sparrow unit ang tinood nga death squad diin patyon niini ang ilang dudahang tawo nga mobabag sa ilang plano.
Makapamtood matud pa niini ang mga kanhe rebelde nga karun mibalik na sa sabakan sa balaod.
