Usa ang patay samtang lima ang angol human magsungag ang usa ka Isuzu panel ug ang Hyundai Bongo truck sa Barangay Afga, Sibagat Agusan del Sur kagahapon sa alas-2 ang takna sa .
Sa pakighinabi sa Bombo Radyo Butuan giila ni PMSgt. Francis Dahay imbestigador sa Sibagat Municipal Police Station ang namatay nga si William Emos Gamutin 53-anyos residente sa Poblacion ,Esperanza sakop sa maong lalawigan kinsa mao ang driver sa Hyundai Bongo.
Sumala ni Dahay sa ilang imbestigasyon nasuta nga gikan sa San Francisco Agusan del Sur ang Isuzu panel nga gipanag-iyahan sa Philip Morris International ug padulong unta sa San Francisco samtang gikan usab ning syudad ug padulong unta sa Esperanza Agusan del Sur ang Hyundai Bonggo truck dihang natigayon ang insidente.
Sigon ni PMSgt. Dahay samtang palugsong ang Hyundai Bongo sa maong panghitaboan kansa kusog-kusog ang dagan niini ug sa dihang hapit na matod pa kini mahulog sa kanal sa highway rason gikabig sa drayber ang manubela pa-wala apan wala na matod pa niini nakontrola ang sakyanan hinungdan nga mikawat kini sa pikas nga linya kondiin anaa ang kasugat niini nga panel nga miresulta usab sa head on collision.
Tungod sa kakusog sa impact sa pagbangga, dakong guba ang naangkon sa atubangan nga bahin sa Hyundai hinungdan sa pagkalagpot sa driver ug nabunal ang ulo niini sa dalan rason sa hinanali niining kamatayon.
Nalagpot usab ang Isuzu panel nga gi-manehoan ni Jeric Lamabayan- 40 anyos ug residente Purok- 2 Barangay Limaha Butuan City kansa nakahiagum kini og injury ingon man ang kaubanan niining pahenante nga anaa sa driver side ug ang duha ka babae ug usa ka lalake nga sakay sa Hyundai Bonggo nga kansa gidala na sa pinakaduol nga ospital.
Nasayrang ang maong lugar usa ka accident prone area.
