BUTUAN CITY – Usa sa mga anak sa magti-ayong Camporedondo ang naluwas gikan sa brutal nga pagpatay sa 32-anyos nga si Carlo Camporedondo, residente sa Brgy. Bay-ang, Cabadbaran City, Agusan del Norte ngadto sa iyang ka-ipon nga si Junelyn Jimenez, 32-anyos ug ilang 11-anyos ug 2-anyos nga mga anak.
Sigon sa igsoon ni Junelyn nga si Jessa Rico, wala ma-apil pagpatay sa iyang amahan ang 7-anyos niyang pag-umangkon tungod kay mi-eskwela man kini samtang ang 11-anyos niining maguwang nga graduating na sa elementarya, wala maka-eskwela tungod kay nagsakit ang ngipon.
Dili nila madawat ang gidangatan sa mga biktima ilabina dihang nakita ang iyang 11-anyos nga pag-umangkon nga nagtungko pa sa lamisa ug duna pa’y kan-on sa ba-ba tungod kay namahaw nga klarong gidiretso og tigbas samtang nakatalikod.
Wala matud pa’y nakamatikod ga nag-away ang magti-ayon tungod kay wala’y saba sulod sa ilang balay hangtud nga duna’y silingan nilang nakakita nga padulong ang suspetsado sa iyang inahan bitbit ang sundang rason nga gisinggitan kini resulta sa pagkaratil niini og dagan dayong tago ug nadunggan na lang niya nga nagyawyaw na ang suspetsado sa mga pulong nga patay na.
