BUTUAN CITY – Tingkagol na karon sa karsel ang usa ka miyembro sa teroristang kumunistang grupo human nasikop kagahapon sa alas 12:05 sa kaadlawon sa may Purok 2, Barangay Libertad, Butuan City.
Naila ang nadakpan nga si alias Gamay, 35-anyos ug residente sa Purok 8, Barangay Mapaca, Compostela, Davao de Oro, kinsa miyembro sa Southern Mindanao Regional Committee.
Ang iyang pagka-aresto subay na sa iyang gi-atubang nga kasong attempted murder, murder, ug arson nga walay piyansang girekomenda.
Si Alias Gamay, nalambigit sa pagpamusil niadtong Nobyembre 29, 2011, sa Sitio Everlasting, Barangay Cuevas, Trento, Agusan del Sur nga miresulta sa kamatayon ni alyas Larry ug pagka-angol ni alyas Rodden samtang ang motorsiklo nga gipanag-iyahan ni alyas Rodden gidabdaban pa sa mga miyembro sa walhong grupo.
