BUTUAN CITY – Patay ang usa ka opisyal nga pulis samtang angol ang 4 ka biktima sa pagpangdasmag sa usa ka pick up vehicle didto sa South Montivilla Blvd. P-8, Brgy. Jp Rizal, Butuac City bandang alas 10:00 kagabii.
Sumala ni PLT. Crispulo Alburo, tigpamaba sa Butuan City Police office nga base sa ilang imbestigasyon kosug ang dagan sa pick up nga sakyanan nga gimanehoan ni Vivian Tan Pinat, 43 anyos taga Bridgetown Subd., Brgy. Villakananga, Butuan City diin nadasmagan niini ang tricycle nga gimanihuan ni Felix Zamora Balili, 36 anyos taga P-18, Brgy. San Vicente Butuan City kinsa adunay sakay nga tulo ka pasahero.
Dugang ni Alburo, nabanggan usab pick up ang maong pulis nga naa sa lugar nga si PLt. Col Renars Salubre kasamtangan nadestino sa Dinagat Islands PPO, ug resident sa Brgy. Bading ning dakbayan.
Apil usab sa nadasmagan sa ang laing upat ka mga sakyanan nga naka parking sa sidewalk nga Grey Ford Everest with Plate no. ZAA 9187, Red Mitsubishi Mirage with Plate no. NGY 5598, Res Toyota Vios with Plate no. DAJ 1233, and Black Hyundai Reina with Plate GAO 5575.
