BUTUAN CITY – Mihagba na matud pa ang puwersa sa New People’s Army sa probinsiya sa Agusan Del Sur human ang pagsurender sa usa ka platoon nga gilangkuban sa usa ka lider og mga miyembro niini sa Brgy Zamora, Talacogon.
Sigon ni Lt Col Sandy Majarocon, commanding officer sa 26Th Infantry Battalion, Philippine Army, tungod sa kolaborasyon sa mga lideres sa Indigenous People, mga kanhi rebelde, mga pamilya, Local Government Units og walay hunong nga military operations, na-aghat nga mosurender ang unom ka miyembro sa NPA lakip na si Badong Gumansel Lipanda alyas “Reymund”, kumander sa Platoon Banglas, Sub-Regional Committee 3, North Central Mindanao Regional Committee.
Bitbit nila ang tulo ka high-powered firearms ug tulo ka low-powered firearms nga gilangkuban sa usa ka M16 rifle, duha ka Garand rifles, usa ka shotgun, ug duha ka kalibre 45 nga pistola inubanan sa mga magazines og buhing mga bala.
Ang unom ka rebelde nga misurender gipa-ilalom sa medical check-ups, assessments, documentation, ug counseling isip pagpangandam sa ilang enrollment sa Enhanced Comprehensive Local Integration Program.
