BUTUAN CITY – Sugdan na dinhe sa rehiyon sa Caraga ang pagpatuman sa increase sa social pension sa mga senior citizen karung tuiga.
Sigon ni Mark Davey Reyes, tigpamaba sa Department of Social Welfare and Development kon DSWD-Caraga nga sunod bulan, Pebrero sugdan na ang payout nga target nga matapos sa Hunyo alang sa unang kwarter sa tibook rehiyon. Sumala sa opisyal nga dili pwedeng madungan ang himoong payout sa tibook Caraga tungod usab sa kakulang sa ilang personahe. Magpaabot lang matud pa sa anunsiyo sa matag munisipyo kung kanus-a himoon ang payout.
Pagkumpirma pa ni Reyes nga gikan sa 500 pesos kada bulan nga madawat sa mga senior citizen, muabot na karun sa 1000 pesos ang bulan rasong sa matag payout nga himoon sa matag-unom ka bulan muabot sa 6-mil pesos na ang ilang madawat. Pasabot pa sa opisyal nga 2023 pa kini nahisgutan apan tungod kay natapos na ang pagbudget rasong sa 2024 na kini napatuman. Pagbutyag pa sa opisyal nga dakong tabang na kini sa mga lolo og lola ilabina kay sagad duna nay mga gimintina nga tambal.
Giklaro usab ni Reyes nga ugaling dunay madugang nga pondo alang sa social pension sa mga senior citizen, mohimo gelayon kini og validation sa mga gisubmite nga pangalan aron madugang sa mga benipisyaryo. Lakip sa rikisitos aron mahimong kwalipikado sa social pension mao nga kinahanglang wala nagdawat kini og pension, og walay regular nga trabaho.
