BUTUAN CITY – Ang babayeng duna’y maanyag nga nawong pataban na lang usab ang pagbaton og nindot nga kurba sa lawas sa ingon matawag siyang Barbie. Apan didto sa South Korea, laho ang 34-anyos nga si Yeon-woo Jhi – usa ka IFBB Professional female bodybuilder nga duna’y daghang major titles ubos sa iyang kasamtangang belt.
Ang contrast sa iyang ka-cute, babaye kaayong nawong og impresibong maskuladong lawas maoy naghimo kaniyang usa ka internet celebrity og gibansagan siya karong “Muscle Barbie”.
Lisod huna-hunaon nga si Yeon-woo Jhi, kinsa slim kaayo kaniadto og luspad nga babaye, nag-antus diay gikan sa panic disorder og naningkamot nga iyang palabangan ang social phobia.
Apan kining tanan na-usab paglabay sa 14 ka mga tuig dihang nagsugod siya pag-adto sa gym duol sa ilang balay sa pangindahay nga mas makusgan.
Gusto lang unta niyang mahunong na ang paminaw niya kaluya sa iyang lawas apan wala siya magdahom nga mu-apil siya sa mga major bodybuilding competitions, apan samtang ang iyang kusog og stamina musaka, mas ganahan siya sa fitness hangtud nga nagdesisyon siyang ipakita na lang ang iyang abilidad diha sa stage.
Human midaog sa unang bodybuilding competition mas naningkamot siya hangtud nga sunod-sunod nga nakasakmit og mga titulo sulod sa dul-an usa ka dekada niyang pag-apil sa mga kompetisyon nga maoy naghimo kaniya karong usa ka mainstream online celebrity.
Nag-viral ang iyang maskuladong ka-anyag tungod sa iyang ka-cute, pagbaton og susama sa manyikang nawong og maskulado kaayong lawas.
